बलेफीमा भएको सडक दुर्घटनामा परी अनेरास्ववियुका दुई नेताको मृत्यु

काठमाडौं । सिन्धुपाल्चोकको बलेफीमा भएको सडक दुर्घटनामा परी दुई जनाको मृत्यु भएको छ ।

दुर्घटनामा परी नेकपा एमालेनिकट अनेरास्ववियुका सिन्धुपाल्चोकका सहसंयोजक नवीन पाण्डे र जिल्ला कमिटी सदस्य समीर दोङको मृत्यु भएको हो ।

खाडीचौरबाट आएको तेल ट्याङ्करले बाह्रबिसे जादै गरेको बा ०२ ०३१ प ५९७६ मोटरसाइकललाई ठक्कर दिँदा मोटरसाइकल सवार उनीहरुको मृत्यु भएको प्रहरीले जनाएको छ ।

मेलम्चीबाट संगठनको काममा बाह्रविसे जाने क्रममा बलेफीमा उनीहरू चढेको मोटरसाइकललाई ट्यांकरले ठक्कर दिएको थियो ।

टयाङकर र चालकलाई बनदेउ प्रहरीले नियन्त्रणमा लिएको छ ।