काठमाडौं । नेपाली कांग्रेसले अवरुद्ध संसद नियमीत गर्न पहल गर्ने निर्णय गरेको छ । तीन दिन बसेको कांग्रेस संसदीय दलको बैठकले अवरुद्ध संसद सुचारु गर्न पहल गर्ने निर्ण गरेको प्रमुख सचेतक रमेश लेखकले जानकारी दिए ।
सत्तारुढ दलहरुसंगै प्रमुख प्रतिपक्ष लगायत अन्य सबै दलसंग छलफल गरेर संसद खोल्न पहल गर्ने निर्णय भएको उनले जानकारी दिए ।
उनले भने ‘नेपाली कांग्रेसको संसदीय दलको बैठकले सत्तारुढ दलहरुसंगै प्रमुख प्रतिपक्ष लगायत अन्य सबै दलसंग सम्बादको अग्रसरता लिएर अवरुद्ध संसद सुचारु गराउन पहल गर्ने निर्णय गरेको छ ।’
ससंद अवरुद्ध हुदाँ जनताको विषयबस्तु उठ्न नसकेको र विचारधिन विधेयक समेत अघि बढ्न नसकेको उनको भनाई छ । ‘प्रतिपक्षले सदनमा आलोचनात्मक रुपले प्रस्तुत हुन स्वभाविक भएको तर लामो समय सम्म सदनमा छलफल हुन नसक्ने गरी संसद अवरुद्ध गर्ने कार्य गैर जिम्मेवार हो । ’ उनले भने ।
उनले संघिय संसद नै नचल्ने अवस्थाले संसदीय पद्धतीप्रति नै जनताको वितृष्णा हुने जोखिम उत्पन्न भएको बताए ।
‘एक क्विन्टल सुनको विषयमा यो बैठकको विशेष ध्यानाकर्षण भएको छ । त्रिभुवनविमानस्थल जस्तो सरकारको महत्वपुर्ण निकायको सदैव निगरानी रहने स्थानबाट समेत अबैध ढंगले सुन बाहिरिनु गम्भीर चिन्ताको विषय भएको छ । ’
यो खबर पढेर तपाईलाई कस्तो महसुस भयो ?
प्रतिक्रिया