नक्कली शरणार्थी प्रकरण : बालकृष्ण खाणसहित तीन जनाको बयान शुरु

काठमाडौं । नक्कली भुटानी शरणार्थी प्रकरणमा मुछिएका पूर्व गृहमन्त्री बालकृष्ण खाणसहित तीन जनाको बयान शुरु भएको छ ।

काठमाडौं जिल्ला अदालतमा खाणसहित भुटानी शरणार्थी नेता टेकनाथ रिजाल र ललितपुर निवासी हरिभक्त महर्जनको बयान शुरु भएको हो ।

बिहीबार पूर्वउपप्रधानमन्त्री तथा एमालेका निलम्बित नेता टोपबहादुर रायमाझीसहित तीनजनाको बयान सकिएको थियो । नक्कली भुटानी शरणार्थी प्रकरणमा १२ जना अझै फरार छन् ।