बाँकी स्थानमा २ दिन भित्रमा मतदान सक्न आयोगको निर्देशन

काठमाडौं । निर्वाचन आयोग नेपालले देशका रोकिएको स्थानको मतदान २ दिनभित्र गर्न निर्देशन दिएको छ ।

आयोगले पत्रकार सम्मेलन गर्दै रोकिएका स्थानमा २ दिनभित्र मतदान गर्न निर्देशन दिएको हो ।

बिहान ७ बजेबाट साँझ ५ बजेसम्मका लागि निर्वाचनको समय तोकिएको थियो । तर सो समयमा १५ मतदान केन्द्रमा विवाद उत्पन्न भएसँगै मतदान कार्य रोकिएको थियो । आयोगले ५ बजेसम्म मतदान नसकिएको अवस्थामा मतदान सकिएको सूचना टाँस नगर्न आग्रह गरेको थियो ।

केही स्थानमा बाहेक देशैभरको निर्वाचन सफलतापूर्वक सम्पन्न भएको आयोगका प्रमुख निर्वाचन आयुक्त दिनेश कुमार थपलियाले बताएका छन् ।