स्याङ्जा जिप दुर्घटना अपडेट : मृतकको संख्या ६ पुग्यो

स्याङजा। स्याङजाको वालिङ नगरपालिका–१२ डाँडाखर्कस्थित भित्री सडकमा आइतबार बिहान जिप दुर्घटनामा परी ज्यान गुमाउनेको सङ्ख्या ६ पुगेको छ ।

वालिङ-१२ का ६० वर्षीय अङ्गबहादुर डालाको आज बिहान उपचारका क्रममा गण्डकी मेडिकल कलेज पोखरामा ज्यान गएको वडा प्रहरी कार्यालय वालिङले जनाएको छ ।

घाइते अन्य पाँच जनाको भने गण्डकी अस्पतालमा नै उपचार भइरहेको र घाइतेमध्ये एक जनाको अवस्था गम्भीर रहेको अस्पतालले जनाएको छ ।

आइतवार वालिङ नगरपालिका -१२ को फिरफिरेमा जिप दुर्घटना भएको हो । घटनास्थलमा नै चार जनाको र उपचारका क्रममा गह्रौँ प्राथमिक अस्पताल वालिङमा एक बालकको ज्यान गएको थियो ।

जिप ग्रामीण सडकबाट झन्डै दुई सय मिटर तल भिरमा अड्किएको थियो भने जीपमा ११ जना सवार रहेका थिए ।