काठमाडौं । इटालियन ‘सिरी ए’ मा आइतबार राति भएको खेलमा युभेन्टससँग गोलरहित बराबरीमा रोकिएपछि एसी मिलानले शीर्ष स्थानको इन्टर मिलानसँग अंक दूरी कम गर्ने अवसर गुमाएको छ ।
मिलानले जितको लक्ष्यसहित युभेन्टस माथि दबाब बढाए पनि सफल भएन । इन्टरले शनिबार भेनेजियालाई २-१ ले हराउँदै शीर्ष स्थानमा पाँच अंकको अग्रता लिएको थियो ।
इन्टरको २३ खेलमा ५३ अंक छ । जुन ४९ अंकसहित दोस्रो स्थानमा बसेको नेपोली र तेस्रो स्थानको मिलान भन्दा चार अंक बढी हो ।
इन्टरले एसी मिलान भन्दा एक खेल कम खेलेको छ । एट्लान्टा ४३ अंकसहित चौथो स्थानमा छ भने पाँचौ स्थानको युभेन्टसको ४२ अंक छ ।
नेपोली भने सेलनिटानालाई ४-१ ले पराजित गर्दै दोस्रो स्थानमा उक्लिएको हो । त्यस्तै रोमाले इम्पोलीलाई ४-२ ले निराश बनायो ।
यो खबर पढेर तपाईलाई कस्तो महसुस भयो ?
प्रतिक्रिया