चियाको साैखिन हुनुहुन्छ ? जाडोमा यसरी घरमै बनाउनुहोस् मीठो चिया

काठमाडौं । तपाईँहामी सबैकाे दिनको सुरुवात चियाबाट हुन्छ । बिहानको समयमा चियाको एक चुस्कीबाट आफ्नो दिनचर्या सुरु हुन्छ । चिया धेरैलाई चिया मन पर्छ । अर्कोतर्फ यो जाडो मौसम । अनि तातो चिया ।

जाडो याममा चियाको छुट्टै महत्व रहेको छ । प्राय सबैलाई धेरै पिउन मन लाग्छ। कम चिया पिउनेहरु यो सिजनमा चिया पिउने गर्दछन् ।

चियाको माग धेरै हुने भएकाले चियाका धेरै प्रकारहरु छन् । यद्यपि मानिसहरू प्रायः दुध, ब्ल्याक वा लेमन टी पिउने गर्छन्।

यदि तपाईँ चिया मन पराउनुहुन्छ र चियामा केही फरक चाहनुहुन्छ भने तपाईँले विभिन्न प्रकारको चिया प्रयोग गर्न सक्नुहुन्छ।

मसाला चिया :

मसाला चिया नेपालको सबैभन्दा लोकप्रिय चियामध्ये एक हो। मसाला चिया घरमै सजिलै बनाउन सकिन्छ ।

मसाला चिया बनाउनका लागि चाहिने सामग्री :

४ कालो मिरिच, ४ वटा ल्वाङ, ७-८ वटा अलैँची, दालचीनी, जाइफल, गुलाबको पात, अदुवाको धूलो, चियापत्ती, चिनी, दुध र पानी।

मसाला चिया कसरी बनाउने ?

मसाला चिया बनाउन सबै मसलालाई राम्ररी पिसेर पाउडर बनाउनुहोस्। ग्यासमा पानी तताएर चिया पात हालेर केही बेर उमाल्नुहोस् । त्यसपछि दुध र चिनी हालेर केही बेर उमाल्नुहोस्। त्यसपछि चिया मसला हाल्नुहोस् र ५ ६ मिनेटको लागि उमाल्नुहोस्। तपाईँको मसाला चिया तयार हुन्छ ।

पुदिना चिया :

पुदिना चियाले तपाईँलाई भित्रबाट ताजगी दिन्छ । तपाईं सजिलै घरमा स्वस्थ पुदीना चिया बनाउन सक्नुहुन्छ।

पुदिना चिया बनाउनको लागि सामग्री :

८-१० पुदिना पात, एक चम्चा कालो मिरिच, नुन, एक चम्चा चिनी र पानी।

पुदिना चिया बनाउन पहिले पुदिना पातहरू धुनुहोस् र तिनीहरूलाई कम आगोमा प्यानमा पानीले उमाल्नुहोस्। अब त्यसमा कालो मिरिच मिसाएर ५ मिनेटसम्म उमाल्नुहोस्। त्यसपछि चिनी थप्नुहोस्। यसलाई राम्ररी उमालेर फिल्टर गर्नुहोस्। र पुदिना चियाको मज्जा लिनुहोस् ।

हर्बल ग्रीन टी :

हर्बल ग्रीन टी स्वास्थ्यका लागि निकै फाइदा जनक छ । अहिले ग्रीन टीको माग पनि बजारमा निकै बढेको छ । ग्रीन टी बनाउन सजिलो छ।

हर्बल ग्रीन टी बनाउनका लागि सामग्री :

दुई कप पानी, एक टुक्रा अदुवा, दुई वटा पिसेको अलैँची, पुदिनाको पात, तुलसीको पात, कागतीको रस, मह।

हर्बल ग्रीन टी रेसिपी बनाउन एउटा प्यानमा दुई कप पानी तताएर त्यसमा पिसेको अदुवा, अलैँची हाल्नुहोस्। केही बेर उमालेपछि ग्यास बन्द गर्नुहोस्। अब तुलसीको पात र पुदिनाका पातहरू धुनुहोस् र उमालेको पानीमा मिसाएर २ मिनेटसम्म छोप्नुहोस्।

यसले पानीमा पुदिना र तुलसीको स्वाद ल्याउनेछ। त्यसपछि एक चम्चा कागतीको रस हाल्नुहोस्। चिया पिउनुअघि एक चम्चा मह मिसाएर घोल्नुहोस् । अनि तयार हुन्छ तपाईँको हर्बल ग्रीन टी ।