प्रदेश १ : विश्वासको मतसम्बन्धी प्रस्ताव पेश, आइतबार मतदान हुने

काठमाडौं । प्रदेश १ का मुख्यमन्त्री भीम आचार्यले विश्वासको मतसम्बन्धी प्रस्ताव प्रदेशसभामा पेश गरेका छन् ।

मुख्यमन्त्री आचार्यले प्रदेशसभाको आज (शुक्रबार) बसेको बैठकमा विश्वासको मतसम्बन्धी प्रस्ताव पेश गरेका हुन् ।

आचार्यले पेस गरेको विश्वासको मतसम्बन्धी प्रस्तावमाथि आइतबार मतदान हुनेछ । मुख्यमन्त्रीले विश्वासको मतसम्बन्धी प्रस्ताव पेश गरेलगत्तै सभामुख प्रदीपकुमार भण्डारीले विश्वासको मतसम्बन्धी थप प्रक्रिया आइतबार बस्ने बैठकमा हुने जानकारी गराएका हुन् ।