आर्सनलको अपराजित यात्रा कायमै

काठमाडौं । रोपा लिग फुटबलमा आर्सनलले जित हात पारेको छ । बिहीवार राति भएको समूह चरण अन्तर्गतको खेलमा आर्सनलले नर्वेको मोल्डे एफकेलाई ४-१ गोल अन्तरले पराजित गरेको हो ।

इमिरेट्स स्टेडियममा २२ औं मिनेटमा मार्टिन एलिङ्सेनले गोल गर्दै मोल्डेलाई अग्रता दिलाएका थिए ।

खेलको ४५ औं मिनेटमा मोल्डेका क्रिस्टोफर हौगेनले आत्मघाती गोल गरेपछि खेलमा १-१ को बराबरी भयो । खेलको ६२ औं मिनेटमा शेरिफ सिन्यानले आत्मघाती गोल गर्दा आर्सनलले २-१ को अग्रता बनायो ।

७० औं मिनेटमा निकोलस पेपेले गोल गर्दै आर्सनललाई ३-१ को अग्रता दिलाए ।

त्यसपछि खेलको ८८ औं मिनेटमा जोसेप विललकले गोल गर्दै आर्सनललाई ४-१ को जित दिलाए । समूह बी मा रहेको आर्सनलले ३ खेलमा ९ अंक जोडेको छ । आर्सनल शीर्ष स्थानमा रहेको छ ।

मोल्डे ६ अंक जोडेर समूहको दोस्रो स्थानमा रहेको छ ।

• एजेन्सी