कोरोनाको दोश्रो लहर आउन बाँकी रहेको भन्दै डब्ल्यूएचओले दियो चेतावनी !

काठमाडौं । कोरोना भाइरसको महामारी अहिले सारा विश्वमा नै व्याप्त छ ।

हरेक खिन हजारौँ मानिसहरुको कोरोनाका कारण मृत्यु भईरहेको छ भने लाखौँ मानिसहरु संक्रमित बनिरहेका छन् ।

गत वर्षको डिसेम्बर अन्तिम साता चीन्को वुहान शहरमा पहिलोपटक देखिएको कोरोना भाइरसको संक्रमण अहिलेसम्म विश्वका २१५ वटा देशहरुमा पुगिसकेको छ ।

वैज्ञानिकहरु कोरोनाविरुद्धको भ्याक्सीन बनाउन अहोरात्र खटिए पनि अहिलेसम्म पूर्ण सफलता हात लाग्न सकेको छैन । यसैबीच विश्व स्वास्थ्य संगठन (डब्ल्यूएचओ) ले कोरोना भाइरस अहिले शुरुवाती चरणमै रहेको बताएको छ ।अझै कोरोनाको दोश्रो लहर आउने चेतावानी दिइएको छ ।

चर्चित स्वास्थ्य विशेषज्ञ डेभिड नाब्ररोले कोरोना महमारी अहिले मात्र आफ्नो शुरुवाती चरणमा रहेको बताएका छन् ।

उनले दोश्रो लहरको आशंका रहेको भन्दै सतर्क रहन आग्रह गरेका छन् । यसको दोश्रो लहरबाट खतरनाक स्थिती उत्पन्न हुने उनले बताएका छन् ।

यो जानकारी उनले बेलायतको सांसदको हाउस अफ कमन्स फोरेन अफेयर्स कमिटीलाई दिएका हुन् । डेभिड विश्वस्वास्थ्य संगठनका प्रतिनिधि समेत हुन् ।

एजेन्सीको सहयोगमा