काठमाडौं । नेपालले लिपुलेक, कालापानी र लिम्पियाधुरामा भारतीय सेनाको जासूसी गर्न आफ्नो जासूसी सेना खटाएको भारतीय सञ्चारमाध्यमहरले दाबी गरेका छन् ।
लिपुलेक यस्तो क्षेत्र हो, जहाँ नेपाल, चीन र भारत तीनवटा देशहरुको सीमा पर्दछ ।
केहि महिना यता भारतले नेपाललाई बिना जानकारी सडक निर्माण पछि उद्घाटन गरेको भन्दै नेपालले आपत्ति जनाउँदै आएको छ ।
त्यसपछि सीमा विवाद बढीरहेको छ । नेपालले उक्त क्षेत्रमा बटालियन तैनाथ गरेको भारतीय सञ्चारमाध्यमहरुको दाबी रहेको छ ।
भारतीय सञ्चारमाध्यमका अनुसार बितेको हप्ता मात्र प्रधानमन्त्री केपी ओलीको सरकारको गृहमन्त्रालयले सेनालाई एक आदेश दिएको छ ।
जसमा भारत र चीनको बीचमा जारी तनावलाई मध्यनजर गर्दै लिपुलेकको निगरानी गर्न आदेश दिइएको छ ।
त्यसपछि नेपाली आर्मीको ४४ औँ बटालियन तैनथ गरिएको भारतीय सञ्चारमाध्यमहरुको दाबी छ ।
यो खबर पढेर तपाईलाई कस्तो महसुस भयो ?
प्रतिक्रिया