फ्रान्सले १६ वटा नयाँ क्षेत्रलाई गर्यो ‘रेड जोन’ घोषणा

काठमाडौं । कोरोना भाइरसको महामारी अहिले सारा विश्वमा नै व्याप्त छ । कोरोनाविरुद्धको भ्याक्सीन बनाउन वैज्ञानिकहरु अहोरात्र खटिएका छन् । तर पनि पूर्ण रुपमा सफलता भने पाउन सकेका छैनन् ।

यसैबीच फ्रान्सका प्रधानमन्त्री ज्याँ कास्तेले बिहीवार १६ नयाँ क्षेत्रलाई रेड जोन घोषणा गरेका छन् ।

योसहित देशमा २१ रेड क्षेत्र भएका छन् । उनले फ्रान्समा फेरि संक्रमणको केस बढीरहेको पनि बताएका छन् ।

देशमा सेप्टेम्बरबाट स्कूल खोल्ने अनुमति दिइने बताइएको छ । स्कूल खोल्नेलाई लिएर नयाँ गाइडलाइन जारी गरिएको छ ।

६ वर्ष भन्दा माथिका सबै बच्चाहरुले मास्क लगाउन अनिवार्य गरिने भएको छ ।

फ्रान्समा अहिलेसम्म कोरोना संक्रमितको कुल संख्या २ लाख ५९ हजार ६९८ रहेको छ भने ३० हजार ५७६ जनाको मृत्यु भएको छ ।

त्यहाँ ८५ हजार ९८४ जना संक्रमण मुक्त भएका छन् भने १ लाख ४३ हजार १३८ जना उपचाररत छन् । त्यहाँ ३८१ जनाको स्वास्थ्य अवस्था गम्भीर रहेको छ ।

एजेन्सीको सहयोगमा