काठमाडौं । अमेरिकालाई चेतावनी दिँदै चीनले बुधबार दुई मिसाइल दक्षिण चीन सागरमा प्रहार गरेको छ ।
मध्यम दुरीमा निशाना साँध्न सक्ने दुई ब्यालेस्टिक मिसाइल चीनले अमेरिकालाई चेतावनीको रुपमा दक्षिण चीन सागरमा प्रहार गरेको साउथ चाइना मर्निङ पोस्टले खबर प्रकाशित गरेको छ । साउथ चाइना मर्निङ पोस्टका अनुसार ‘अमेरिकालाई चेतावनी दिन’ चीनले ‘एयरक्राफ्ट–करियर किलर’ प्रहार गरेको हो।
चीनले आफ्नो ‘नो–फ्लाई जोन’ मा अमेरिकी जासूसी विमान छिरेको भन्दै त्यसको घोर निन्दा गरेको छ ।
त्यसपछि रुष्ट बनेको चीनले प्रतिक्रियास्वरुप मिसाइल प्रहार गरेको हो ।
एकदिन अघि मात्र उत्तरी क्षेत्रको बोहाइ नदीमा चिनियाँ नौसेनाले ड्रिल गरिरहेका बेला ‘यू–२’ नामक अमेरिकी जासूसी विमान त्यस क्षेत्रको आकाशमा प्रवेश गरेकोर आफ्ना सेनाको ड्रिल रेकर्ड गरेको चीनले बताएको छ ।
यो खबर पढेर तपाईलाई कस्तो महसुस भयो ?
प्रतिक्रिया