अमेरिकामा कोरोनाबाट १ हजार बढी कैदीहरुको मृत्यु

काठमाडौं । अमेरिकामा कोरोना भाइरसका कारण अहिलेसम्म १ हजार भन्दा धेरै कैदीहरुको मृत्यु भएको छ ।

द अमेरिकन सिभिल लिबर्टीज यूनियन (एसीएलयू)ले बुधवार यो जानकारी दिएको हो ।

एसीएलयूले ट्वीट गरेर देशभरका जेलहरुमा रहेका १ हजार भन्दा धेरै कैदीहरुको कोरोनाका कारण मृत्यु भएको बताएको हो ।

अमेरिकामा अहिलेसम्म १ लाख ८३ हजार ६७७ जनाको मृत्यु भएको छ भने ६० लाख १ हजार १०३ जनालाई कोरोना संक्रमण भएको छ ।

त्यस्तै पछिल्लो २४ घण्टामा ७३८ जना नयाँ संक्रमित थपिएका छन् भने २४ जनाको मृत्यु भएको छ । त्यहाँ अहिलेसम्म ३३ लाख १४ हजार ६६४ जना संक्रमण मुक्त भएका छन् भने २५ लाख २ हजार ७६२ जना उपचाररत छन् ।

अमेरिकामा १६ हजार ३७८ जनाको स्वास्थ्य अवस्था गम्भीर रहेको छ ।

एजेन्सीको सहयोगमा