काठमाडौं । कोरोना भाइरसको महामारी मोटो मानिसहरुका लागि समस्याको झनै जड बनेको छ ।
यो भाइरसबाट मोटो मानिसहरु धेरै बिरामी भएको शोधबाट पत्ता लागेको छ । कोरोना भाइरसको महामारी अहिले सारा विश्वमा व्याप्त छ ।
चीनको वुहान शहरमा गत वर्षको डिसेम्बर अन्तिम सातामा पहिलो पटक देखिएको कोरोना भाइरसको महामारी अहिलेसम्म विश्वका २१३ वटा देशहरुमा फैलिसकेको छ । यसैबीच हालै भएको एक अध्ययनबाट वैज्ञानिकहरुले डरालाग्दो खुलासा गरेका छन् ।
स्टडीमा वैज्ञानिकहरुले कोरोना भाइरसका कारण अहिलेसम्म ६० वर्ष भन्दा कम उमेरका मोटो महिला र पुरुषहरुमा कोरोना कहर बनेर वर्षिएको पत्ता लागेको छ । तर महिलाको तुलनामा पुरुषको संख्या धेरै रहेको छ ।
साथै ६० वर्ष भन्दा कमका मोटो मानिसहरुको धेरै मृत्यु भएको पनि अध्ययनबाट पत्ता लागेको छ । क्यासर परमार्नेन्ट साउदर्न क्यालिफोर्निया हेल्थ सिस्टमका शोधकर्ताहरुले गरेको अध्ययनमा यो कुरा पत्ता लागेको हो ।
शोधकर्ताहरुले ७ हजार कोरोना केसमा स्टडी गरेका थिए । उनीहरुले स्टडीमा अन्य रोगका साथै कोरोनाबाट मोटोपन भएका व्यक्तिहरुमा धेरै मृत्यु ६० वर्ष भन्दा कमका रहेको बताएका छन् ।
स्टडीमा बताइएको छ कि, अत्याधिक मोटोपन भएका मानिसहरुको शरीरको बीएमआई ४० प्वाइन्टभन्दा धेरै छ भने कोरोनाको कारण मृत्यु हुनेको आशंका तीन गुणा बढ्ने बताइएको छ । यदि यो ४५ पार गर्यो भने यसको आशंका चार गुणाले बढ्छ ।
दुबै स्थितीमा पुरुषको अवस्था नराम्रो रहेको छ । महिला भने तुलनात्मक रुपमा यसबाट सुरक्षित रहेका छन् ।
यो भन्दा पहिला पनि यस विषयमा स्टडी भएको थियो जसमा यूरोपको नेशनल हेल्थ सर्भिसका अनुसार यूरोपमा संक्रमित भएकामध्ये धेरै मानिस दुई तिहाई मोटो मानिस छन् ।
यूरोपमा कोरोना भाइरसको कारण गम्भीर रुपमा बिरामी भएकाहर दुई तिहाई मोटो मानिस रहेका छन् ।
कूल संक्रमित मध्ये ६३ प्रतिशत मानिस आईसीयूमा रहेका छन् ।
एजेन्सीको सहयोगमा
यो खबर पढेर तपाईलाई कस्तो महसुस भयो ?
प्रतिक्रिया