काठमाडौं । नेपालमा बितेको २४ घण्टामा थप ६ सय ९ जना कोरोना मुक्त भएर घर फर्किएका छन् ।
यससँगै हालसम्म कोरोना मुक्त हुनेको संख्या १२ हजार ४ सय ७७ पुगेको छ । जुन कुल संक्रमितको अनुपातमा ६९ दशमलव ३४ रहेको स्वास्थ्य मन्त्रालयका प्रवक्ता डा जागेश्वर गौतमले जानकारी दिए । सबैभन्दा धेरै प्रदेश नं ५ बाट ३ हजार ८ सय १८ जना कोरोना मुक्त भइ घर फर्किएका छन् । भने सबैभन्दा कम वाग्मती प्रदेशबाट ४ सय ५२ जना कोरोना मुक्त भइ घर फर्किएको प्रवक्ता गौतमले बताए ।
कुन प्रदेशमा कति भए कोरोना मुक्त ?
प्रदेश नं १ मा ७ सय ५२ जना
प्रदेश नं २ मा २ हजार ७ सय ६६ जना
वाग्मती प्रदेशमा ४ सय ५२ जना
गण्डकी प्रदेशमा १ हजार २० जना
प्रदेश नं ५ मा ३ हजार ८ सय १८ जना
कर्णाली प्रदेशमा १ हजार ५ सय ४० जना
सुदूरपश्चिम प्रदेशमा २ हजार १ सय २९ जना
यसैबीच नेपालमा आज (मंगलवार) थप १५० जनामा कोरोना भाईरस (कोभिड १९) संक्रमण पुष्टि भएको छ । योसँगै नेपालमा कोरोना संक्रमितको कुल संख्या १७ हजार ९९४ पुगेको छ ।
स्वास्थ्य मन्त्रालयको नियमित प्रेस ब्रिफिङमा मन्त्रालयका प्रवक्ता प्रा.डा. जागेश्वर गौतमले नेपालमा बितेको २४ घण्टामा १५० जनामा कोरोना भाइरसको संक्रमण पुष्टि भएको जानकारी दिए ।
उनका अनुसार (कोभिड १९) संक्रमण पुष्टि भएका संक्रमितहरु सबैको स्वास्थ्य अवस्था सामान्य रहेको छ भने उनीहरु चिकित्सकको निगरानीमा रहेका छन् । संक्रमण पुष्टि भएकाहरुको सम्पर्कमा रहेकाहरुको कन्ट्याक ट्रेसिङ गर्ने कार्य भईरहेको मन्त्रालयले जनाएको छ ।
नेपालमा अहिलेसम्म कोरोना भाइरस संक्रमणका कारण ४० जनाको मृत्यु भएको छ ।
नेपालमा हिजो (सोमवार) १८६ जनामा कोरोना संक्रमण पुष्टि भएको थियो ।
यो खबर पढेर तपाईलाई कस्तो महसुस भयो ?
प्रतिक्रिया