काठमाडौं- नेपालमा हालसम्म कोरोना भाइरस ‘कोभिड – १९’ साग मिल्दोजुल्दो देखिएका बिरामी (जसलाई स्वास्थ्य तथा जनसंख्या मन्त्रालयले रेडजोनमा राखेको छ) ति बिरामीहरुको संख्या २ सय ५१ पुगेको स्वास्थ्य तथा जनसंख्या मन्त्रालयले जनाएको छ ।
शुक्रबार भएको नियमित पत्रकार सम्मेलनमा प्रवक्ता विकास देवकोटाले दिएको जानकारीअनुसार मन्त्रालयले स्वमूल्यांकनको आधारमा मानिसहरुको व्यक्तिगत विवरण अर्थात् जानकारीको आधारमा जोन छुट्टयाएकोमा हालसम्म २ सय ५१ जना रेड जोनमा परेका छन् गत २४ घण्टामा मात्रै २ जना मानिस रेड जोनमा परेका छन् ।
रेड जोनमा परेकाहरुको ‘ट्रेसिङ गर्ने’ र उनिहरुको उपचारको व्यवस्था मिलाउन सम्बन्धित निकायलाई ध्यानाकर्षण भइसकेको पनि उनले बताए ।
हालसम्म नेपालमा १६ जना संक्रमित भेटिएकोमा १ जना निको भइसकेका छन् । बाँकी १५ जनाको विभिन्न अस्पतालमा उपचार भइरहेको छ ।
मन्त्रालयको मोबाईल एप र वेव पेजमा मानिसहरुले आफ्ना लक्षणहरु जानकारी गराएका थिए । स्वास्थ्य तथा जनसंख्या मन्त्रालयले नेपालमा २४ हजार बढीको कोरोना परीक्षण भएको जनाएको छ ।
नियमित पत्रकार सम्मेलनमा मन्त्रालयका प्रवक्ता डाक्टर विकास देवकोटाले जनाएअनुसार डोल्पा र सोलुखुम्बु बाहेक ७५ जिल्लामा र्यापीड किट टेष्ट (आरडीटी) विधिबाट जाँच भइरहेको छ । डोल्पा र सोलुखुम्बुमा भने चाँडै आरडीटी टेष्ट सुरु हुनेछ ।
हालसम्म नेपालमा दुईओटा प्रविधिबाट जाँच गरिएको छ । सातै प्रदेशका विभिन्न ठाउँमा गरेर १४ स्थानबाट पोलिमरेज चेन रियाक्सन (पीसीआर) परीक्षण सुरु भएको छ।
पीसीआर घाँटीको स्वाबको परीक्षण हो। यसको नतिजा आउन ६ घण्टादेखि दुई दिनसम्म लाग्ने चिकित्सकले बताएका छन्। आरडीटी परीक्षणको रिपोर्ट भने १५ मिनेटमै सार्वजनिक गर्न सकिन्छ। तर नेपालमा केहि नमूनाहरु र्यापिड डाईग्नोस्टिग टेष्टबाट पोजेटिभ आएको र पीसिआरबाट नेगेटिभ आएको उदाहरणसमेत छन् ।
डाक्टर देवकोटाका अनुसार पिसिआर प्रविधीबाट हालसम्म ७ हजार ६ सय ८८ वटा नमूना जाँच गरिएको छ । त्यस्तै र्यापिड डाईग्नोष्टिग टेष्ट आरडिटीबाट हालसम्म १६ हजार ५ सय ६५ जनाको टेष्ट भएको छ । हालसम्म २४ हजार २ सय ५३ जनाको टेष्ट गरिएको छ । गत २४ घण्टामा मात्रै ४ हजार ८ सय २२ जनाको नयाँ टेष्ट भएको छ ।
हालसम्म ४ हजार ६ सय ७ जना क्वारेन्टाईनमा बसेका छन् भने कोरोना भाइरससँग मिल्दोजुल्दो लक्षण देखिएका ९० जना आईसोलेसनमा छन् ।
उनीहरुमध्ये ५ जना काठमाडौंमा छन् भने ८५ जना बाहिर जिल्लामा छन् । त्यस्तै मन्त्रालयको कल सेन्टरमा हालसम्म २६३२ वटा जिज्ञाशा आएकोमा सम्बोधन गरिएको छ ।गत २४ घण्टामा मात्रै ५७८ जनाले आफ्नो विवरण भरेकोमा जम्मा २ जना रेड जोनमा परेका छन् ।
यो भनेको संभावित संक्रमित भएकोले उनीहरुको संम्भावित टेसिङ र विवरण संकलन तथा जाँचका अरु तारतम्य मिलाईएको छ ।
यसअघि लोकपथ डटकममा प्रकाशित यो समाचार पढ्नुहोस् त्यसका लागि आफूलाई पढ्न मन लागेको लिंकमा क्लिक गर्नुहोस् :
यसरी लिइन्छ कोरोना ‘टेस्ट’को ‘स्याम्पल’, के हो पीसीआर टेस्ट ?
कोरोना संक्रमण भएको कति दिनपछि श्वास फेर्न समस्या हुन्छ ? १ देखि १० दिनबीचमा देखिन्छन् यी समस्या
नयाँ स्टडीबाट पत्ता लाग्यो रहस्य : मानिसमा यसरी फैलिएको थियो कोरोनाको संक्रमण !
रिसर्चबाट खुल्यो रहस्य : अधिकांश मानिस यस कारण कोरोनाको शिकार बने
यो खबर पढेर तपाईलाई कस्तो महसुस भयो ?
प्रतिक्रिया