१० हजार घुससहित कम्प्युटर अधिकृत पक्राउ

काठमाडौं । चितवनको भरतुरस्थित आन्तरिक राजस्व कार्यालयमा कार्यरत कम्प्युटर अधिकृत रामकुमार अधिकारी घुस सहित पक्राउ परेका छन् ।

विद्युतिय बीजक जारी गर्ने अनुमति पत्र बनाई दिने प्रयोजनका लागि घुस मागेको उजुरीका आधारमा अख्तियार दुरुपयोग अनुसन्धान आयोगको कार्यालय हेटौडाबाट खटिएको टोलीले उनलाई १० हजार घुससहित पक्राउ गरेको हो ।

उनलाई घुस लिइसकेको अवस्थामा कार्यकक्षबाटै नियन्त्रणमा लिएर थप अनुसन्धान भइरहेको अख्तियारले जनाएको छ।