स्याङ्जा । स्याङ्जाको गल्याङ नगरपालिका–६ पिडीखोलामा गोठ भत्किँदा एक जनाको मृत्यु भएको छ ।
आज बिहान भैँसी तथा बङ्गुरलाई कुडोपानी दिने क्रममा अचानक गोठ भत्किँदा पातीखर्क वनपालेका ६५ वर्षीय धनबहादुर रेश्मीको घटनास्थलमै मृत्यु भएको वडा नं। ६ का अध्यक्ष दीपछिरिङ गुरुङले जानकारी दिए ।
घटनामा गोठभित्र रहेका केही चौपाया पनि पुरिएर मरेका छन् । लगातारको वर्षाका कारण पुरानो गोठ कमजोर भई भत्किएको हुनसक्ने प्रारम्भिक अनुमान गरिएको वडा अध्यक्ष गुरुङले बताए ।
घटनाबारे थप अनुसन्धान भइरहेको छ ।
यो खबर पढेर तपाईलाई कस्तो महसुस भयो ?
प्रतिक्रिया