काठमाडौं । पहिलो संस्करणको नेपाल प्रिमियर लिग (एनपिएल) टी–२० क्रिकेट प्रतियोगिताको उपविजेता टोली सुदूरपश्चिम रोयल्सले आगामी सिजनका लागि ६ खेलाडी रिटेन गरेको छ ।
राष्ट्रिय टोलीका उपकप्तान दीपेन्द्रसिंह ऐरीलाई मार्की खेलाडीको रूपमा रिटेन गरिएको छ । ऐरीसँगै विनोद भण्डारी, आरिफ शेख, अविनाश बोहरा, ईशान पाण्डे र नरेन साउद पनि रिटेन गरिएका खेलाडी हुन् ।
त्यस्तै, सुदूरपश्चिमले ६ खेलाडीलाई रिलिजसमेत गरेको छ । अर्जुन कुमाल, नरेश बुढाथोकी, खडकबहादुर बोहरा, भोजराज भट्ट, अमित श्रेष्ठ र वसन्त खत्रीलाई रिलिज गरिएको हो ।
सुदूरपश्चिम रोयल्सका मुख्य कार्यकारी अधिकृत प्रकाश खड्काले रिलिज गरिएका खेलाडीहरूको उज्ज्वल भविष्यको कामना गर्दै आगामी ड्राफ्ट र ट्रायलबाट नयाँ अनुहारलाई टोलीमा स्वागत गरिने उल्लेख गरेका छन् ।
यो खबर पढेर तपाईलाई कस्तो महसुस भयो ?
प्रतिक्रिया