लुक्ला विमान दुर्घटनाबारे अनुसन्धान गर्न छानबिन समिति गठन


लोकपथ
प्रकाशित मिति : २ बैशाख २०७६, सोमबार ०९:१७

काठमाडौं । सरकारले आइतवार बिहान सोलुखुम्बुको लुक्लास्थित तेञ्जिङ हिलारी विमानस्थलमा भएको विमान दुर्घटनाबारे अनुसन्धान गर्न छानबिन समिति गठन गरेको छ । 

संस्कृति, पर्यटन तथा नागरिक उड्डयन मन्त्रालयले नेपाल नागरिक उड्डयन प्राधिकरण (क्यान) का पूर्वमहानिर्देशक राजेशराज दलीको अध्यक्षतामा समिति नै गठन गरेको हो ।

मन्त्रालयका प्रवक्ता घनश्याम उपाध्यायले विज्ञप्ति जारी गर्दै समितिमा नेपाल वायुसेवा निगमका इञ्जिनीयर राजेश श्रेष्ठ र सीता एयरका पाइलट रवीन्द्र डङ्गोल सदस्य र समिति सदस्य सचिवमा पर्यटन मन्त्रालयका सहसचिव बुद्धिसागर लामिछानेलाई तोकिएको उल्लेख छ ।

लुक्ला विमानस्थलमा आइतवार बिहान करिब ९ः३० बजे समिट एयरको ‘नाइन एन एएमएच’ कलसाइन विमान दुर्घटना भएको थियो । समिट एयरको हवाई जहाज काठमाडौंतर्फ उड्ने क्रममा पार्किङ गरेर राखिएको मनाङ एयरको ‘नाइनएन एएलसी’ कल साइन हेलिकप्टरसँग ठोक्किएको थियो । 

घटनामा समिट एयरका को–पाइलट सुदीप ढुंगाना र पर्यटक प्रहरी असई रामबहादुर खड्काको मृत्यु भएको थियो । साथै दुर्घटनामा परी घाइते भएको असई रुद्रबहादुर श्रेष्ठको उपचारका क्रममा काठमाडौंमा निधन भएको थियो । 

दुर्घटनामा परी घाइते भएका समिट एयरका पाइलट रवीन्द्र बहादुर रोकाया र हेलिकप्टरका पाइलट चेतबहादुर गुरुङ सामान्य उपचारपश्चात् घर फर्किसकेका छन् । भने मनाङ एयरका कर्मचारी लाक्पा शेर्पाको ग्राण्डी अस्पतालमा उपचार भइरहेको छ ।

 

 

प्रतिक्रिया दिनुहोस
तटबन्धले रोकेन नदी कटान

काठमाडौँ। असार र साउन महिनामा बर्सेनि आउने बाढीले मध्य तथा पूर्वी मधेसका अधिकांश

बालुवाटार जग्गा प्रकरणमा मुछिएका विजयकुमार गच्छदार बोले

काठमाडौं–नेपाली काँग्रेसका उपसभापति विजयकुमार गच्छदारले बालुवाटार जग्गा प्रकरणमा आफ्नो संलग्नता नरहेको दावी गरेका

शिल्पाको नयाँ फिल्म आउँदै

एजेन्सी । भारतीय अभिनेत्री शिल्पा सेट्टीको नयाँ फिल्म आउँने भएको छ । सिनेमाको

‘लभ यु हमेशा’ भदौ २७ गतेदेखी

काठमाण्डौं । चलचित्र ‘लभ यु हमेशा’ भदौ २७ गतेदेखि प्रदर्शनमा आउने भएको छ