मलंगवामा मनोज यादवको गोली हानी हत्या

सर्लाही । सर्लाही सदरमुकाम मलंगवामा एक युवकको गोल हानी हत्या गरेको छ । 

शनिवार राति अज्ञात समूहले मलंगवा नगरपालिका ८ शीतभण्डार नजिक सडक छेउमा गोली हानी ३१ वर्षीय मनोज यादवको गोली हानी हत्या गरिएको हो । 

हत्या गरिएको अवस्थामा यादवको शव आइतवार बिहान स्थानीयवासीले देखेपछि प्रहरीलाई जानकारी गराएका थिए । 

सर्लाहीका प्रहरी उपरीक्षक गणेशचन्द्र भट्टराईका अनुसार घटनामा संलग्नको खोजी तीव्र पारिएको छ । 

उनले भने, ‘घटनास्थलमा गोलीको खोका पाँच थान र प्रयोग नभएको एक थान गोली फेला परेको छ, साथै मृतक यादवको मोबाइल उनकै साथमा भेटिएको छ ।’

‘शनिवार राति करिब ९ बजे दाईको मोबाइलमा एक व्यक्तिको फोन आयो र दाई घरबाट निस्कनु भयो ।’ मृतकका बहिनीले प्रहरीलाई जानकारी दिइन् । 

घटना बारे थप अनुसन्धान भइरहेको प्रहरी उपरीक्षक भट्टराईले बताए ।