नवलपुरमा बसले मोटरसाइकललाई ठक्कर दिँदा दुईको मृत्यु

नवलपुर । नवलपुरको गैंडाकोटमा बसले मोटरसाइललाई ठक्कर दिँदा दुई जनाको मृत्यु भएको छ । 

गैंडाकोट–१३, मुकुन्दपुरमा आज बिहान कर्णाली यातायातको ना ५ ख ३९८७ नम्बरको बसले ना ५६ प ३८५१ नम्बरको मोटरसाइकललाई ठक्कर दिँदा मोटरसाइकलमा सवार दुईजनाको मृत्यु भएको हो ।

इलाका प्रहरी कार्यालय गैंडाकोटका अनुसार मृत्यु हुनेमा गैंडाकोट नगरपालिका–८ का २० वर्षीय अनिल पौडेल र गैडाकोट–१ का १९ वर्षीय कृष्ण सापकोटा रहेका छन् ।

ठक्कर दिने बसलाई नियन्त्रण लिइ अनुसन्धान भइरहेको प्रहरी जनाएको छ ।