विषाक्त रक्सीले ज्यान गुमाएका दुईको शव आयो, ८ जनाको शव कहाँ ?

लोकपथ संवाददाता

२०७५,आश्विन,११,बिहीवार ०७:५७

काठमाडौं । विषाक्त रक्सीका कारण मलेसियामा मृत्यु भएका १० जना नेपालीमध्ये २ जनाको शव नेपाल ल्याइएको छ ।

विषाक्त रक्सीका कारण ज्यान गुमाउने १० जनामध्ये सर्लाहीका आइतसिंह गोले र नवलपरासीका दुर्गासिंह रानाको शव बिहीबार दिउँसो १२ बजे थाइ एयरमार्फत नेपाल ल्याइएको हो । त्यहाँस्थित नेपाली दूतावासले समन्वय नगरिदिँदा मलेसियाबाट शव ल्याउन समस्या भएको नेपालीहरु बताउँछन् ।

विषाक्त रक्सीका कारण पछिल्लोपटक इलामका विमल कार्कीको ज्यान गएपछि मृत्यु हुनेको सङ्ख्या १० पुगेको हो ।

विषाक्त रक्सि सेवन गरेका सर्लाहीका शेरबहादुर ठकुरी, ठेगाना नखुलेका शुकुबल घिसिङ, नवलपरासीका दुर्गा सिंह राना, धादिङका मिमबहादुर घले, रुपन्देहीका रामकुमार यादव, डढेलधुराका विशाल बुढाथोकी, सुनसरीका सञ्जय उराव, इलामका बलबहादुर कुलुङ र सर्लाहीका आइतसिंह गोलेको ज्यान गएको हो ।