एकैदिन साढे ४ हजारले घट्यो सुन, कतिमा हुँदैछ कारोबार ?

काठमाडौं । नेपाली बजारमा आज सुनको मूल्यमा गिरावट आएको छ ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला ४ हजार ५ सय रुपैयाँको गिरावट आएको हो ।

अघिल्लो दिन २ लाख ८२ हजार ४ सयमा कारोबार भएको सुनको मूल्य आज प्रतितोला ४ हजार ५ सय रुपैयाँले घटेर २ लाख ७७ हजार ९ सय रुपैयाँमा कारोबार भइरहेको छ ।

त्यस्तै, आज चाँदीको मूल्य पनि घटेको छ । महासंघका अनुसार आज चाँदी प्रतितोला २५ रुपैयाँले घटेको हो ।

सोमबार ४ हजार ३१० रुपैयाँमा कारोबार भएको चाँदी आज प्रतितोला २५ रुपैयाँले घटेर ४ हजार २८५ रुपैयाँमा कारोबार भइरहेको छ ।