महिलालाई दुर्व्यवहार गरेको आरोपमा एक जना पक्राउ

काठमाडौं । महिलालाई दुर्व्यवहार गरेको आरोपमा एक जनालाई प्रहरीले पक्राउ गरेको छ ।

पक्राउ पर्नेमा काठमाडौं–३२ क्षेत्रपाटी बस्ने ४३ वर्षीय कुमार श्रेष्ठ पक्राउ रहेका छन् ।

काठमाडौं अपराध अनुसन्धान कार्यालयबाट खटिएको प्रहरी टोलीले उनलाई पक्राउ गरेको हो ।

श्रेष्ठले पठाओमा चढेको महिलालाई गलत लोकेसनमा लगेर छोडेका थिए । तर ती महिलाले आफूलाई गलत लोकेशनमा किन छाडेको भन्दै प्रश्न गर्दा अश्लील शब्द प्रयोग गर्दै दुर्व्यवहार गरेका थिए ।

आइतबार पक्राउ परेका उनलाई आज म्याद थप गरी अनुसन्धान भइरहेको प्रहरीले जनाएको छ ।