डा. बाबुराम भट्टराईद्वारा उम्मेदवारी फिर्ताको घोषणा

काठमाडौं । प्रगतिशील लोकतान्त्रिक पार्टीका संरक्षक डा.बाबुराम भट्टराईले आफ्नो उम्मेदवारी फिर्ता लिएका छन् ।

फागुन २१ गते हुने प्रतिनिधिसभा निर्वाचनका लागि पूर्वप्रधानमन्त्री समेत रहेका डा. भट्टराईले गोरखा–२ बाट उम्मेदवारी दर्ता गराएका थिए । यसअघि निर्वाचनमा उम्मेदवार नबन्ने घोषणा गरेका भट्टराईलाई अन्तिम समयमा पार्टीले उम्मेदवार बनाएको थियो ।

तर गोरखा–२ क्षेत्रका अन्य राजनीतिक दलका उम्मेदवारहरूले उम्मेदवारी फिर्ता लिन आग्रह गरेपछि उनले आफ्नो निर्णय पुनर्विचार गर्दै उम्मेदवारी फिर्ता लिएको जनाइएको छ ।