उपाध्यक्षमा सर्वाधिक मतसहित पृथ्वीसुब्बा गुरुङ निर्वाचित, कसको कति मत ? [सूचीसहित]

काठमाडौं । नेकपा एमालेको उपाध्यक्षमा सर्वाधिक मतसहित पृथ्वीसुब्बा गुरुङ निर्वाचित भएका छन् ।

भर्खरै आएको मतपरिणाम अनुसार गुरुङ १७३७ मतसहित निर्वाचित भएका हुन् ।

एमालेको विधान अनुसार ५ जना उपाध्यक्ष रहने व्यवस्था रहेको छ । जसअनुसार गुरुङसहित विष्णुप्रसाद पौडेल, रामबहादुर थापा बादल, गोकर्णराज विष्ट र रघुजी पन्त निर्वाचित भएका छन् ।

विजयी भएका विष्ट अध्यक्षका उम्मेदवार ईश्वर पोखरेल प्यानलका हुन् भने केपी शर्मा ओली समूहका गुरुप्रसाद बराललाई हराउँदै उनी निर्वाचित भएका हुन् ।

उपाध्यक्षमा कसले कति मत ल्याए ?

अरुण नेपाल : ४३९
गुरुप्रसाद बराल : ११३७
गोकर्णराज विष्ट : १३६८
टकंप्रसाद कार्की : ३५८
परशुराममेघी गुरुङ : ४६१
पृथ्वीसुब्बा गुरुङ : १७३७
भीमप्रसाद आचार्य : २६५
रघुजी पन्त : १२५८
रामबहादुर थापा बादल : १५१६
बिन्दा पाण्डे : ९२१
विष्णुप्रसाद पौडेल : १६७५

यता महासचिवमा शंकर पोखरेलले जित हासिल गरेका छन् । उनले १ हजार २ सय २८ मत प्राप्त गरेका हुन् भने उनका निकटतम प्रतिद्धन्दी सुरेन्द्रप्रसाद पाण्डेले ९९९ मत प्राप्त गरेका हुन् ।