प्रदर्शनकारीले लगाए सिंहदरबारको मूल गेटमा आगो

 काठमाडौं । आक्रोशित प्रदर्शनकारीहरूले मंगलबार दिउँसो सिंहदरबारको मूल गेटमा आगो लगाएका छन् । उनीहरूले प्रदर्शनको क्रममा प्रमुख सरकारी कार्यालयमा आगजनी गर्ने कदम उठाएका हुन् ।

प्रदर्शनकारीहरूले सिंहदरबार बाहेक प्रधानमन्त्री तथा नेकपा एमाले अध्यक्ष केपी शर्मा ओली, नेपाली कांग्रेस सभापति शेरबहादुर देउवा, गृहमन्त्री रमेश लेखक लगायतका नेताहरूको घरमा पनि आगजनी गरेका बताइएको छ ।

प्रदर्शनकारीहरूले सामाजिक असन्तुष्टि, भ्रष्टाचार, र राजनीतिक निर्णयप्रति विरोध जनाउँदै यस्तो कदम उठाएको स्थानीय प्रशासनले जनाएको छ । घटनास्थलमा प्रहरी बल तैनाथ गरिएको छ र थप नियन्त्रणका लागि कदम चालिरहेको छ ।

अहिले सम्म कुनै पनि व्यक्ति घाइते वा पक्राउ परेको विवरण भने सार्वजनिक भएको छैन ।