तरकारीको मूल्य : तने बोडी र चिचिन्डो २१ रुपैयाँ किलो, सिताके च्याउ ९ सय रुपैयाँ

काठमाडौं । कालीमाटी तरकारी तथा फलफूल बजारमा तने बोडी र चिचिन्डो सबैभन्दा सस्तो तरकारी रहेको पाइएको छ । कालीमाटी तरकारी तथा फलफूल विकास समितिले असार ३१ गते मंगलबार जारी गरेको तरकारी तथा फलफूलको मूल्य सूचीमा तने बोडी र चिचिन्डो प्रतिकिलो २१ रुपैयाँमा उपलब्ध रहेको जनाएको छ ।

समितिले मंगलबारका लागि लागि जारी गरेको तरकारी तथा फलफूलको न्यूनतम विक्री मूल्य, अधिकतम विक्री मूल्य र औसत विक्री मूल्यका आधारमा सबैभन्दा सस्तो तरकारीमा तने बोडी र चिचिन्डो रहेको पाइएको छ ।

समितिले जारी गरेको मूल्य सूची अनुसार मंगलबार तने बोडीको न्यूनतम मूल्य प्रतिकिलो १५ रुपैयाँ र अधिकतम विक्री मूल्य प्रतिकिलो २५ रुपैयाँ रहेको जनाएको छ । यो तरकारीको औसत मूल्य प्रतिकिलो २१ रुपैयाँ रहेको पाइएको छ ।

त्यसै गरी चिचिन्डोको मूल्य पनि तने बोडीको बराबर रहेको पाइएको छ । चिचिन्डोको न्यूनतम विक्री मूल्य १५ रुपैयाँ, अधिकतम विक्री मूल्य २५ रुपैयाँ र औसत विक्री मूल्य २१ रुपैयाँ नै रहेको छ ।

त्यसै गरी हाइब्रिड सेतो मूला, लौका र तिते करेलाको औसत मूल्य प्रतिकिलो २५ रुपैयाँभन्दा कम रहेको छ ।

त्यसै गरी लोकल सानो गोलभेँडाको न्यूनतम विक्री मूल्य २५ रुपैयाँ र अधिकतम विक्री मूल्य ३५ रुपैयाँ हुँदा औसत मूल्य ३० रुपैयाँ प्रतिकिलो कायम भएको छ ।

महँगो तरकारीमा सिताके च्याउको मूल्य न्यूनतम ८०० रुपैयाँ र अधिकतम ९०० रुपैयाँ हुँदा औसत मूल्य प्रतिकिलो ८ सय रुपैयाँ रहेको छ ।

हेर्नुहोस्, कुन तरकारी, माछा तथा फलफूलको मूल्य कति छ भन्ने सजिलो चार्टमा (सस्तोदेखि क्रमशः महँगोतर्फ)

कृषि उत्पादन मूल्य सूची (सस्तो देखि महँगो सम्म)