पूर्वाधार र पर्यटनमा लगानी गर्न मलेसियन लगानीकर्तालाई अर्थमन्त्री पौडेलको आग्रह

काठमाडौं । उपप्रधानमन्त्री एवं अर्थमन्त्री विष्णुप्रसाद पौडेलले नेपालमा भौतिक पूर्वाधार र पर्यटन क्षेत्रमा लगानीको राम्रो सम्भावना रहेको भन्दै मलेसियाका लगानीकर्तालाई लगानी गर्न आग्रह गरेका छन्।

नेपाल भ्रमणमा रहेको मलेसिया–नेपाल व्यापार परिषद्को प्रतिनिधिमण्डलसँगको भेटमा उनले निजी क्षेत्रका लागि नेपालमा अनुकूल वातावरण र लगानीमैत्री नीति रहेको बताए।

प्रतिनिधिमण्डलमा परिषद्का अध्यक्ष प्रदीपकुमार कुकरेजा, डा. चाइ कि खान, गणेशकुमार वनगाह, एमके संग्राहलगायत सहभागी थिए। उनीहरूले सूचना प्रविधि, हाइड्रो, व्यापार, पर्यटनलगायत क्षेत्रमा लगानीप्रति चासो देखाएका थिए।