नुवाकोट । जिल्लाको बेलकोटगढी नगरपालिका वडा नं ८ मा रहेको श्री कल्याणी देवी माविमा बृहत स्वास्थ्य शिविर सम्पन्न भएको छ ।
आइतबार विद्यालय प्राङगणमा भएको स्वास्थ्य शिविरमा त्यहाँका विद्यार्थीसहित अभिभावकहरु समेत स्वास्थ्य सेवाबाट लाभान्वित भएका छन् ।
विद्यार्थी, शिक्षक कर्मचारी र अभिभावक गरी ३२० भन्दा बढीको स्वास्थ्य परीक्षण गरिएको विद्यालयका शिक्षक किरण उजागर पुडासैनीले जानकारी दिए । ‘इन्फानाइट केयर’ को व्यवस्थापन तथा तिलगंगा आँखा अस्पताल र समाज डेन्टलको सहयोगमा श्वास्थ्य शिविर सम्पन्न भएको उनले बताए ।
शिविरमा आँखा परीक्षण, दन्त परीक्षणदेखि अन्य स्वास्थ्य परीक्षण समेत गरिएको थियो । जहाँ २०० भन्दा बढीको दाँतको प्राथमिक उपचार र २० जनालाई चस्मा समेत वितरण गरिएको थियो ।
त्यस्तै ईसीडीदेखि कक्षा ५ सम्मका विद्यार्थीहरुका लागि शैक्षिक सामग्री समेत हस्तान्तरण गरिएको छ ।
विद्यार्थी, शिक्षक एवं कर्मचारीसहित अभिभावकहरुको समेत स्वास्थ्य परीक्षण गरेकोप्रति विद्यालय परिवारले आयोजकलाई धन्यवाद ज्ञापन गरेको छ ।
यो खबर पढेर तपाईलाई कस्तो महसुस भयो ?
प्रतिक्रिया