विराटनगरमा प्रधानमन्त्री ओली र गृहमन्त्रीविरुद्ध नाराबाजी

काठमाडौं । विराटनगरमा प्रधानमन्त्री केपी शर्मा ओलीविरुद्ध युवाहरुले नाराबाजी गरेका छन् । 

नागरिकता बनाउन जिल्ला प्रशासन कार्यालय पुगेका युवाहरुले प्रधानमन्त्री ओलीविरुद्ध नाराबाजी गरेका छन् । सर्वोच्च अदालतको अन्तरिम आदेशसँगै जिल्ला प्रशासन कार्यालयले जन्मसिद्ध नागरिकको सन्तानलाई बंशजको नागरिकता दिन बन्द गरेको छ । 

महेन्द्रचोकमा जम्मा भएका युवाहरुले ‘केपी ओली मुर्दाबाद, गृहमन्त्री राजीनामा दे’ लगायतका नारा लगाउँदै विरोध प्रदर्शन हुन् ।

हालै गृह मन्त्रालयले जन्मसिद्ध नागरिकको सन्तानलाई बंशजको नागरिकता दिन परिपत्र गरेको थियो । त्यसआधारमा स्थानीय प्रशासनले नागरिकता दिन शुरु गरेको थियो । 

तर, सर्वोच्चले आइतवार मात्र अन्तरिम आदेश दिँदै तत्कालका लागि गृहको परिपत्र कार्यान्वयन गर्न रोक लगाएको थियो ।