प्रमुख निर्वाचन आयुक्तमा सिफारिस थपलियाको सुनुवाइ प्रक्रिया शुरु

काठमाडौं । प्रमुख निर्वाचन आयुक्तमा सिफारिस दिनेशकुमार थपलियाको संसदीय सुनुवाइ प्रक्रिया आज (आइतवार)देखि शुरु हुँदैछ । 

थपलियाको सुनुवाइ प्रक्रिया अगाडि बढाउनका लागि संसदीय सुनुवाइ समितिले आज बिहान ११ बजे बैठक बोलाएको हो । साथै बैठकले आजै थपलियाविरुद्ध उजुरी आह्वान गर्न सक्ने समेत समितिले जनाएको छ ।

यही चैत १० गते निर्वतनमा प्रमुख आयुक्त अयोधीप्रसाद यादव र आयुक्त इला शर्माले अवकाश पाएका थिए । 

आयोगको रिक्त प्रमुख आयुक्त पदमा थपलियालाई सिफारिस गरिए थियो भने आयुक्त पदमा भने कसैलाई सिफारिस गरिएको छैन ।