काठमाडौं । नेपाल बार एसोसियसनको निर्वाचनमा नेपाली कांग्रेसका दुई नेताले मतदान गरेका छन् ।
शनिवार बिहान ८ बजेदेखि शुरु भएको निर्वाचनमा कांग्रेस नेता एवं पूर्वमहामन्त्री कृष्णप्रसाद सिटौला र अर्जुननरसिंह केसीले मतदान गरेका हुन् ।
त्यस्तै केसीले काठमाडौं र सिटौलाले गृहजिल्ला झापा पुगेर मतदान गरेका हुन् ।
बारमा नयाँ नेतृत्वको लागि निर्वाचन भएको हो । निर्वाचन बिहान ८ बजेदेखि ५ बजेसम्म देशभरका ३५ मतदान केन्द्रबाट मतदान भएको थियो ।
अध्यक्षमा प्रगतिशाली समूहबाट वरिष्ठ अधिवक्त चण्डेश्व श्रेष्ठ र लोकतान्त्रिक समूहबाट सुनिलकुमार पोखरेलले उम्मेवार दिएका थिए ।
बारको २५ सदस्सीय कार्यसमितिका लागि ६३ को उम्मेदवारी परेको छ ।
तीन वर्षेका लागि हुने कार्यसमितिमा एक अध्यक्ष, एक महासचिव, एक कोषाध्यक्ष, महिला उपाध्यक्ष एक र सातै प्रदेशबाट एक÷एक गरी आठ उपाध्यक्ष निर्वाचित हुनेछन् ।
देशभरिबाट मतपेटिका सङ्कलन गरेपछि काठमाडौंमा मतगणना हुने बारका अध्यक्ष शेरबहादुर केसीले जानकारी दिए ।
काठमाडौं उपत्यकाको सर्वोच्च अदालत बार कार्यालय, उच्च अदालत पाटन र काठमाडौं जिल्ला अदालतमा निर्वाचन भएको थियो ।
यो खबर पढेर तपाईलाई कस्तो महसुस भयो ?
प्रतिक्रिया