काठमाडौं । नेपाली कांग्रेसका नेता डा. शेखर कोइरालाले सरकारको पछिल्ला निर्णयले देश गम्भीर दुर्घटनामा फस्ने बताएका छन् ।
‘सरकारको कार्यशैली र पछिल्ला निर्णयले देश गम्भीर दुर्घटनामा फस्छ’ उनले भने ।
साथै उनले सरकारको कार्यशैली र पछिल्ला निर्णयविरुद्ध जनताकै तहबाट आन्दोलन आवश्यक रहेको समेत बताए ।
सरकार स्वेच्छाचारी र दम्भको मानसिकताबाट अघि बढेको बताउँदै नेता कोइरालाले सरकारले तत्काल आफुलाई नसच्याए जनताकै तहबाट आन्दोलन शुरु हुने चेतावनी दिए ।
शुक्रवार सञ्चारकर्मीसँग कुरा गर्दै कांग्रेस केन्द्रीय सदस्य समेत रहेका नेता कोइरालाले वर्तमान सरकारका निर्णयका कारण मुलुकमा नयाँ द्वन्द्वको विजारोपण भएको उल्लेख गरे ।
सरकारले गलतबाटो रोजेकाले मुलुकमा समस्या सृजन भएको बताउँदै ‘समस्या समाधानका अनेक उपाय हुँदाहुँदै सरकारले किन गलत बाटो रोज्यो?’ उनले प्रश्न गरे ।
यसैबीच उनले गत फागुन २४ गते सरकारले स्वतन्त्र मधेशका गठबन्धनका संयोजक सीके राउतसँग गरेको ११ बुँदे सहमतिको दोस्रो लाइनमा जन अभिमत शब्दको अर्थ जनमत संग्रह नै भएको जिकिर गरेका छन् ।
साथै सीके राउत नेनृत्वका कार्यकर्ताले यसकै आडमा तराई–मधेशमा गृहकार्य शुरु गरिसकेको नेता कोइरालालको भनाइ छ ।
यो खबर पढेर तपाईलाई कस्तो महसुस भयो ?
प्रतिक्रिया