काठमाडौं । मधेशी र थारु आयोगका प्रस्तावित अध्यक्षको आज संसदीय सुनुवाई हुँदैछ ।
शुक्रवार बिहान ११ बजेपछि संघीय संसदको सुनुवाई समितिको बैठक बस्दैछ । दुवै आयोगका प्रस्तावित अध्यक्षको सुनुवाईका लागि बैठक बोलाइएको समिति सभापति लक्ष्मणलाल कर्णले जानकारी दिए ।
संवैधानिक परिषदले मधेशी आयोगमा विजयकुमार दत्त र थारु आयोगमा विष्णुप्रसाद चौधरीको नाम प्रस्ताव गरेको थियो । यसअघि गत आइतवार र मंगलवार बोलाइएको सुनुवाई समितिको बैठकमा कोरम नपुगेपछि स्थगित भएको थियो ।
दुवै आयोगका प्रस्तावित अध्यक्षको सुनुवाई सकिएपछि आजै चार वटा संवैधानिक आयोगकाप्रस्तावित अध्यक्षको नाम अनुमोदन गर्ने वा नगर्ने निर्णय हुने समिति सचिवालयले जनाएको छ ।
गत माघ बसेको बैकठले ५ वटा संवैधानिक आयोगको अध्यक्षको नाम सिफारिस गरेको थियो ।
यसैगरी राष्ट्रिय प्राकृतिक स्रोत तथा वित्त आयोगको अध्यक्षमा प्रस्तावित बालनन्द पौडेल र राष्ट्रिय समावेशी आयोगको अध्यक्षमा प्रस्तावित शान्तराज सुवेदीको संसदीय सुनुवाई भइसकेको छ ।
तर, मस्लिम आयोगका लागि प्रस्तावित अध्यक्ष समिम अन्सारी विरुद्ध नागरिकता र शैक्षिक प्रमाणपत्रलगायत विषयमा उजुरी परेकाले सुनुवाई हुन बाँकी छ ।
यो खबर पढेर तपाईलाई कस्तो महसुस भयो ?
प्रतिक्रिया