काठमाडौं । प्रधानमन्त्री पुुष्पकमल दाहाल प्रचण्डले राष्ट्रिय मान्यता पाएका दलका शीर्ष नेताहरुसँग छलफल गरेका छन् ।
प्रतिनिधि सभाको बैठकमा निरन्तर अवरोध भएपछि प्रधानमन्त्रीले राष्ट्रिय मान्यता पाएका दलका शीर्ष नेताहरुसँग छलफल गरेका हुन् ।
बैठक सिंहदरबारस्थित प्रधानमन्त्री तथा मन्त्रिपरिषद्को कार्यालयमा जारी रहेको छ ।
बैठकमा राष्ट्रिय मान्यता पाएका दलका शीर्ष नेताहरुसहित प्रमुख सचेकत समेत रहेका छन् ।
यसअघि सभामुख देवराज घिमिरेले पनि विभिन्न राजनीतिक दलका शीर्ष प्रमुख सचेतकहरुसँग छलफल गरेका थिए ।
प्रमुख प्रतिपक्षी दल नेकपा एमालेले निरन्तर संसद अवरोध गर्दै आइरहेको छ ।
सुन प्रकरणमा छानबिन समिति बनाउनुपर्ने मागसहित एमालेले संसद अवरोध गर्दै आइरहेको हो । यसअघि पनि पटकपटक छलफल भए पनि एमालेले आफ्नो अडान नछाड्दा संसदको गतिरोध अन्त्य हुन सकेको छैन ।
यो खबर पढेर तपाईलाई कस्तो महसुस भयो ?
प्रतिक्रिया