नागरिकता ऐन संशोधन विधेयकमाथि छलफल हुँदै

काठमाडौं । प्रतिनिधिसभाको राज्य व्यवस्था तथा सुशासन समितिमा आज नेपाल नागरिकता ऐन २०६३ लाई संशोधन गर्न बनेको विधेयकमाथि दफावार छलफल हुँदैछ । 

शुक्रवार बिहान ११ बजे सिंहदरवारमा बस्ने बैठकमा दफा ८ र ९ माथि छलफल हुन लागेको हो । 

समिति सदस्य रेखा शर्माका अनुसार विधयकको दफा ७ सम्मको छलफल सकेको समितिले आज दफा ८ र ९ माथि छलफल गर्न लागेको हो । 

बैठकमा मिलेका विषय टुंग्याउने र मिल्न बाँकी विषय पछि टुंगो लगाउने गरी छलफल अघि बढाइने सदस्य शर्माले जानकारी दिए ।