कस्तो रहला आज दिनभरको मौसम ?

मौसम पूर्वानुमान महाशाखाका अनुसार हाल पश्चिमी न्यून चापीय प्रणालीका कारण मौसममा खराबी आएको छ । जसका कारण तराईमा हुस्सु र कुहिरो लागेको छ भने मध्य तराईमा शीतलहर पनि चलिरहेको छ । यस्तै पहाडी क्षेत्रमा बदली छ ।

दिउँसो सुदूरपश्चिम, कर्णाली, गण्डकी र लुम्बिनीमा आंशिकदेखि सामान्य बदलीको सम्भावना छ । सुदूरपश्चिम, कर्णाली र गण्डकीका हिमाली भूभागका एक वा दुई स्थानमा हल्का हिमपातको आकलन गरिएको छ ।

मंगलबार पहाडी भूभागमा आंशिकदेखि सामान्य बदलीको सम्भावना छ भने उच्च पहाडी तथा हिमाली भूभागका थोरै स्थानमा हल्का हिमपातको आकलन गरिएको छ ।