काठमाडौं । प्रधानमन्त्री केपी शर्मा ओली र म्यानमारकी नेतृ आङ साङ सुकीबीच भेटवार्ता भएको छ ।
शुक्रवार बिहान काठमाडौंको होटल अन्नपूर्णमा प्रधानमन्त्री ओली र सुकीबीच भेटवार्ता भएको हो ।
म्यानमारकी नेतृ एसिया प्यासिफिक समिटमा सहभागी हुन बिहीवार नेपाल आएकी थिइन् । नेपाल आएसँगै उनले विभिन्न राजनीतिक भेटघाटलाई तीव्रता दिएकी छन् ।
यसअघि शुक्रबार बिहान मात्रै उनले राष्ट्रपति विद्यादेवी भण्डारीलाई भेटेकी थिइन् ।
प्रधानमन्त्रीको सचिवालय अनुसार प्रधानमन्त्री ओली र सुकीबीचको भेटमा द्विपक्षीय हितलगायत विषयमा कुराकानी भएको जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया