काठमाडौं । काठमाडौंको सुन्धारमा कारको ठक्करबाट १२ जना घाइते भएका छन् ।
बिहीवार दिउँसो नेपाल एयरलाइन्सको पार्किङ स्थलबाट बाहिर निस्कने क्रममा बा१८च४८७३ नम्बरको निजी कारको ठक्करबाट १२ जना घाइते भएका हुन् ।
कारले सडकमा रहेका यात्रुलाई ठक्कर दिएको महानगरीय प्रहरी वृत्त जनसेवाले जानकारी दिएको छ ।
कारका चालक भेषराज पौडेलका अनुसार कारको ब्रेक फेल भएर दुर्घटना भएको बताए ।
कारको ठक्करबाट घाइते हुनेहरुमा सन्तोषी नेपाली, फिलिपिन्सका नागरिक केसिया, जुली बुढाथोकी, गंगामायाँ राई, रुद्रमान पती, प्रज्ञा ज्योति परियार, भावना बोहोरा, मिरा थापा, जोसना ठकुरी, सत्यराज ठकुरी, सृजना पहरी र उर्मीला अधिकारी रहेका छन् ।
घाइते सबैको ट्रमा सेन्टरमा उपचार भइरहेको छ ।
यो खबर पढेर तपाईलाई कस्तो महसुस भयो ?
प्रतिक्रिया