कृष्णराज सुवेदी बने सुदूर पश्चिमका नयाँ सामाजिक विकास मन्त्री

सुदूर पश्चिम प्रदेशका मुख्यमन्त्री त्रिलोचन भट्टले नयाँ सामाजिक विकास मन्त्रीमा कृष्णराज सुवेदीलाई नियुक्त गरेका छन् । 

मंगलबार प्रदेश प्रमुख मोहनराज मल्लको उपस्थितिमा भट्टले सुवेदीलाई पद तथा गोपनियताको सपथ दिलाएका हुन् । 

पदीय मर्यादा उलंघन गरेको भन्दै सामाजिक सुरक्षा मन्त्रीको भूमिकामा रहेका दीर्घबहादुर सोडारीलाई भट्टले आजै बर्खास्त गरेका थिए । उनलाई बर्खास्त गरेलगत्तै प्रदेश सरकारले सुवेदीलाई नयाँ मन्त्री बनाएको हो । 

सोडारीलाई बर्खास्त गरिएको बारे जानकारी दिन आयोजित पत्रकार सम्मेलनमा मुख्यमन्त्री भट्टले पदीय मर्यादा विपरित  गतिविधि गरेको कारण बखास्त गर्नु परेको जानकारी दिए । पार्टीको निर्देशन अनुसार नै उनी बर्खास्तीमा परेको प्रदेश सरकारले जनाएको छ । 

प्राप्त जानकारी अनुसार सुदूर पश्चिम प्रदेशका  इन्चार्ज भीम रावलको निर्देशनमा  सोडारीलाई मुख्यमन्त्री भट्टले बर्खास्त गरेका हुन् ।