चितवन । चितवनका वामपन्थी नेता सूर्यबहादुर मास्केको निधन भएको छ ।
लामो समयदेखि सुगर, प्रेसर र प्रोष्टेटलगायतका रोगबाट ग्रसित मास्केको मंगलवार राति ८४ वर्षको उमेरमा निधन भएको परिवारिक स्रोतले जानकारी दिएका हुन् ।
१९९२ साल मंसिरमा भोजपुर जिल्लामा जन्मिएका मास्केले नेकपाका संस्थापक महासचिव पुष्पलाल श्रेष्ठको हातबाट नेपाल कम्युनिस्ट पार्टीको सदस्यता लिएका थिए ।
राजनीतिमा निकै साहासिक काम गर्ने भएकोले उनलाई महासचिव पुष्पलालले ‘सनव्रेभ’को उपाधि समेत दिएका थिए ।
निकै उत्तेजिक र आक्रामक भाषणले चर्चित मास्केले १६ वर्षको उमेरमै फेरेरसनको केन्द्रीय सदस्यमा निर्वाचित भएका थिए ।
स्वर्गीय मास्केका श्रीमती इन्दिरा कायस्थ, दुई छोरा र एक छोरी छन् ।
मास्केका छोराछोरी अमेरिकामा रहेकाले उनीहरु फर्किएपछि मात्रै उनको अन्त्येष्टि गर्ने पारिवारिक स्रोतले जानकारी दिएका छन् ।
यो खबर पढेर तपाईलाई कस्तो महसुस भयो ?
प्रतिक्रिया