रावणको पुत्ला दहन गरेको भीडमा रेल दुर्घटना, ६० को मृत्यु

भारत-रावणको पुत्ला दहन गरिरहेको भीडलाई रेलले किच्दा भारतको अमृतसरमा कम्तिमा ६० जनाको ज्यान गएको छ ।

पठानकोटबाट अमृतसर आउँदै गरेको रेलले जोडाफाटकमा रेलवे ट्रयाक नजिकै दसहराको साँझ रावणको पुत्ला दहन गरिरहेको जनसमूहलाई ठक्कर दिएको हो । 

दुर्घटनामा एक सय बढी घाइते भएका छन् ।  

रावणको पुत्लामा आगो लगाउने वित्तिकै मञ्चबाट मानिसहरुलाई पछाडि हट्न आग्रह गरिएको र त्यही वेला पछाडिबाट आएको रेलले ठक्कर दिँदा विभत्स दुर्घटना भएको बिबिसीले जनाएको छ ।