सरकार यही बाटोमा हिँडे जनताले अर्को विकल्प खोज्नुपर्छ : भट्टराई

गोरखा । नयाँ शक्ति पार्टीका संयोजक डा. बाबुराम भट्टराईले वर्तमान सरकारले विकास र समृद्धिको न्यूनतम काम पनि गर्न नसकेको आरोप लगाएका छन् । 

सोमबार नयाँ शक्ति पार्टी जिल्ला कार्यसमिति गोरखाले आयोजना गरेको दशैँको शुभकामना आदानप्रदान कार्यक्रममा बोल्दै नेता भट्टराईले सरकार यही बाटोमा हिँडे जनताले अर्को विकल्प खोज्नुपर्ने बताएका हुन् । 

सरकारको लक्षण गतिलो नदेखिएको बताउँदै संयोजक भट्टराईले भने, ‘राजनीतिक दल र नेतृत्व रुपान्तरण हुन तयार नहुँदा दुई तिहाइको सरकार न हाँसको चाल न कौवाको चाल बनेर अलपत्र भएर बसेको छ, महिला तथा बालबालिकाहरुमा असुरक्षा बढेको छ, सरकार यस्ता घटनाका दोषी उपर केही गर्न सक्दैन हामी चिन्तित छौँ ।,’