सिन्धुलीमा फेरी बस दुर्घटना, एक घाइते

काठमाडौं । काठमाडौंबाट गाइघाट जाँदै गरेको बस सिन्धुलीमा दुर्घटना भएको छ । 

बस सुनकोशी गाउँपालिका–३, रातोमोटेमा सडकमै दुर्घटना भएको हो । दुर्घटनामा एक जना घाइते भएका छन् भने अन्य यात्रुको अवस्था सामान्य रहेको जिल्ला प्रहरी कार्यालय, सिन्धुलीले जनाएको छ । 

एसपी रामेश्वर यादवका अनुसार बसमा ३० जना सवार थिए । 

उनले घटनाबारे थप अनुसन्धान भइरहेको बताए । 

यसअघि शुक्रबार सुनकोशी–५, मूलकोटमा बस खस्दा ३ जनाको मृत्यु भएको थियो ।