भूकम्पका कारण भत्किएकामध्ये हालसम्म २ लाख ९६ हजार घर पुनर्निमाण सम्पन्न

काठमाडाैं : वि.सं. २०७२ साल बैशाख १२ गते गोरखाको बारपाक केन्द्रबिन्दु भएर भयानक धक्का दिएको भूकम्पका कारण भत्किएका ५ लाख ५५ हजार ६ सय १२ निजी घरमध्ये हालसम्म २ लाख ९६ हजार ५ सय १४ घर पुनर्निर्माण भएको राष्ट्रिय पुनर्निर्माण प्राधिकरणले जानकारी दिएको छ । 

भूकम्पका कारण अति प्रभावित जिल्लाहरूमा निर्माण सम्पन्न भएका घरहरूको तथ्यांक सार्वजनिक गर्दै प्राधिकरणले अन्य जिल्लाका समेत गरि साढे ३ लाख घर पुनर्निमार्ण भएको अांकलन गरेको छ । 

भूकम्पबाट प्रभावितमध्ये ७ लाख २३ हजार ७ सय २८ लाभग्राहीसँग अनुदान सम्झाैता सम्पन्न भएको र त्यसमध्ये ७ लाख १७ हजार ९ सय ६४ लाभग्राहीलार्इ अावास पुनर्निर्माणका लागि पहिलो किस्ताको रकम उपलब्ध गरार्इएको प्राधिकरणले जनाएको छ । 

प्राधिकरणका अनुसार हालसम्म ५ लाख ३ हजार ३६ जनाले दोस्रो किस्ता र २ लाख ६६ हजार ९ सय ५ लाभग्राहीले तेस्रो किस्ता बुझिसकेका छन् । हालसम्म निजी अावास निर्माणका लागि १ खर्ब ४८ अर्ब रूपैयाँ अनुदान वितरण भर्इसकेको प्राधिकरणको तथ्यांकमा उल्लेख छ । 

पुनर्निर्माणका लागि सरकारले चालु अार्थिक बर्षको बजेटमा ८३ अर्ब ४१ करोड ६८ लाख ३ हजार रूपैयाँ विनियोजन गरेको छ । विनियोजितमध्ये हालसम्म करिब १० अर्ब रूपैयाँ अनुदान वितरण भर्इसकेको छ । 

अाफुलार्इ लाभग्राहीको सूचीमा नपारेको जनाउँदै भूकम्पप्रभावित जिल्लाक लाखाैं नागरिकले असन्तुष्टि जनाएपछि प्राधिकरणले पुन: जाँच सर्भे गरि ४२ हजार ४ सय २२ घरधुरीलार्इ लाभग्राही सूचीमा थपेको छ।