काठमाडौं । सोमबारबाट दशैँका लागि सार्वजनिक सवारी साधनको अग्रिम टिकट बुकिङ खुल्ला हुने भएको छ ।
असोज ५ गतेबाट खुल्ने भनिएको अग्रिम टिकट बुकिङ पेट्रोलियम पदार्थको मूल्यवृद्धिका कारण खुल्न सकेको थिएन ।
सरकारले वृद्धि भएको पेट्रोलियम पदार्थको मूल्यवृद्धि फिर्ता नलिएसम्म नेपाल यातायात व्यवसायी राष्ट्रिय महासंघले दशैँको अग्रिम टिकट बुकिङ खुल्ला नगर्ने घोषणा गरेका थिए ।
सरकारले सार्वजनिक यातायातको भाडा १० प्रतिशत बढाउने निर्णय गरेपछि नेपाल यातायात व्यवसायीले दशैँको अग्रिम टिकट बुकिङ खुल्ला गर्ने निर्णय गरेको थियो ।
शनिबार भौतिक पूर्वाधार तथा यातायात व्यवस्था मन्त्रालयमा यातायात व्यवसायीसँग भएको वार्तामा इन्धनमा भएको मूल्यवृद्धिलाई आधार मानेर १० प्रतिशत भाडा बढाउने सहमति भएको भएको थियो ।
मन्त्रालयमा यातायात व्यवसायी राष्ट्रिय महासंघ, उपभोक्ता प्रतिनिधि, र सुरक्षा निकायका प्रतिनिधिसहितको बैठक बसेको थियो ।
यो खबर पढेर तपाईलाई कस्तो महसुस भयो ?
प्रतिक्रिया