काठमाडौं । वैदेशिक रोजगारीको सिलसिलामा राजधानी काठमाडौं भित्रिएका तीन युवाले दलालबाट ठगिएपछि अपराध धन्दा शुरु गरेको बताएका छन् ।
उनीहरुले दलालहरुबाट ठगिएपछि वैदेशिक रोजगारीको सपना त्यागेर अपराधको कर्ममा लागेको बयान प्रहरीलाई दिएका हुन् ।
नक्कली पेस्तोल देखाएर चाबहिल चुच्चेपाटी क्षेत्रका स्थानीय व्यापारीलाई धम्काएको आरोपमा पक्राउ परेका तीनजना युवाले यस्तो बयान दिएका हुन् ।
पक्राउ पर्नेहरुमा इलाम माइ नगरपालिकाका २३ वर्षीय संजय समाल मगर, मोरङ पाथीभराका २४ वर्षीय सन्तोष लिम्बु र झापा सताक्षीका २४ वर्षीय युगेश राई रहेका छन् ।
आइतवार राति शंकास्पद गतिविधि देखाई सडकमा हिँडिरहेको अवस्थामा उनीहरुलाई पक्राउ गरिएको महानगरीय प्रहरी वृत्त बौद्धले जनाएको छ । प्रहरीले उनीहरुको साथबाट ३० ग्राम खैरो हिरोइन, २० हजार नगद र एकथान नक्कली पेस्तोल बरामद गरेको छ ।
यो खबर पढेर तपाईलाई कस्तो महसुस भयो ?
प्रतिक्रिया